MUBAASRAT - HUM BISTARI Ke Aadab

.⚀⚀⚀     JOIN SUNNI ISLAMIC KNOWLEDGE -- +91-7405457791               
       ┌╦═══════────────┐
       │║बिस्मिल्लाहिर्रहमानिर्रहीम
       └╩═══════────────┘

●• MUBAASRAT - HUM BISTARI ●

     ┄─━━━━□□□━━━━─┄

✿ ☞  Mubaashrat Miya Bivi Ka Haq he ,

⚀ _ Jo Mard Aurat Shara'i Nikaah ke Zariye Shohar Bivi ho gaye ,Mubaashrat karna ( Hum Bistari ) na sirf ye k ek Doosre ka Haq he balki Nikaah ka Buniyadi maqsad hi yahi he k Halaal Tareeqe se Mard Aurat ko Paak Daamani haasil ho ,Wo Na-jaa'iz Shehwat Ranaai se bach jaye ,Halaal Aulaad paida ho ,is tarah nasle insaani aage bade,

⚀_ Zinakaari aur galat tareeqe se Shehwat Ranaai ke Raaste band ho taki Saleh pakeeza mashra tashkeel paye ,Be raah ravi ,Awaargi se insaani mashra paak rahe ,

⚀ _Haiwanaat Kï Nasl bhi aage badti he lekin Shariyat e mutahara ne Haya ka paband to nahi kiya lekin Aam haiwanaat Kï fitrat me Allah Ta'ala ne ye baat rakh Dï k Apni Maada ko doosre Naro se hifazat ka intezam karte he'n, Sivaye Khinzeer ke Wo be gairat Jaanwar he ,

⚀ _Shariyate mutahara ne insaan ko iska bhi paband kiya he k Hum Bistari ke Amal ke dauraan bhi Sharm v Haya ke nizaam ka paaband rahe ,Iski kuchh qaid aur hudood muqarrar kiye he'n k is daayre me reh kar Amal Anjaam de to khwahishe Nafs Kï takmeel ke saath Ajro sawab bhi haasil hoga ,Jo Aulaad hogi Wo bhi ba Haya ,mati'a aur Farmabardaar hogi

✿ ☞ Hum Bistari Ke Waqt Parda ,,,

⚀ _ Rasulallah Sallallahu Alaihivasallam ne farmaya k ,Barhana ( Nange ) hone se ijtinaab ( bachna ) karo agarche tanhaai kyu na ho ,

*_Kyuki Pakhana aur Apni Bivi se mujam'at ke Avqaat ke alawa tumhare saath har waqt woh ( Farishte )  hote he'n, ( Jo Tumhare A'amaal likhne per mamoor he'n ) ,lihaza un ( Farishto ) se Haya karo aur unki Tazeem karo ,"

ReF-┐ Tirmizi

⚀ _ To is Rivayat se maloom hua k Hum Bistari Kï haalat me Satar kholne Kï ijazat he ,taham insaan ke saath kuchh Farishte hote he'n Jo Agarche us waqt insaan se alag ho jate he'n, taaham qareeb hote he'n, Hum Bistari ke waqt koi Neki ya Buraai kare uska Sawab ya Gunaah bhi likhte he'n aur Aap Sallallahu Alaihivasallam ne in Farishto ke ikraam ka Hukm farmaya ,

⚀ _ Lihaza Bilkul Barhana hokar hum Bistari na kare balki koi Chaadar apne ouper le li jaye ,Ye soorat Sharm v Haya ke Zyada munasib he,

⚀ _ Ek Doosri Rivayat me Rasulallah Sallallahu Alaihivasallam ne irshad farmaya k ( Jima'a ke waqt ) wahshi Jaanwaro Kï tarah nange na ho'n ,"

ReF-┐ Ganiyatul Talebeen ,98
  ╨─

✿ ☞ Jima'a Se Pehle Masnoon Dua ,,,

⚀ _ Rasulallah Sallallahu Alaihivasallam ne irshad farmaya k ,
" Jab Bivi se Humbistari ka iraada kare to pehle ye Dua Padhe :-

بِسْمِ اللهِ اللَّهُمَّ جَنِّبْنَا الشَّيْطَانَ ، وَجَنِّبِ الشَّيْطَانَ مَا رَزَقْـتَنَا

*=="Bismillahi, Allahumma jannibna-sh-shaytaana, wa jannibi-sh-shaytaana ma razaqtana"

*__is Dua ke ahatmam Kï barkat se Aulaad Shaytaan ke Shar se mehfooz rahegi ,""

ReF-┐ *Sahih-Bukhari,

⚀ _ Hafiz Ibne Hajar Rahmatullah ne Hazrat imaam Mujahid Rahmatullah se iski Sharah me naqal kiya he ,

"*_Jo Shakhs Humbistari ke waqt Hadees me mazkoor Dua nahi padhta to Shaytaan uske Aala Tanasul ke saath lipat jata he aur Saath Shareek ho jata he ,"

*_ReF-┐Fatahul Baari ,2/92

⚀ _ Aur Jis waqt injaal ho to Dil me Ye Dua padhe :-

"*_ "Allahumma-La-Taja'al Lish Shaytaane Fi-M-Razaqatni Nasi-ba"

*_Yani " Ya Allah ! is Bachche me Jo Aapne hamare liye naseeb kare Shaytaan ke liye hissa na bana ,"

*_ ReF-┐Hisne Haseen Safa 165,
╨─────────────────────❥

✿ ☞ Shabe Zufaaf ( Pehli Raat ) Kï Dua ,

╥────────────────────❥
║✿ …

⚀ _ Rasulallah Sallallahu Alaihivasallam ne irshad farmaya k,

*_ Shadi Kï Pehli Raat Dulhan Kï Peshani ke Baal pakad kar ye Dua padhe :--

*_ Allahumma inni As'aluka Khayraha Wa Khayra maa Jabaltaha Alayhi Wa A'uzubika min Sharri haa wa Sharri maa Jabaltaha Alayhi ,"

*_ReF-┐Mishkaat Sharif, 1/210

  ╨─────────────────────❥

✿ ☞ Pakhana Ke Maqaam me Jima'a Karna Haraam he ,

─────────❥
║✿ …

⚀ _ Apni Mankuha ( Bivi ) ke saath Humbistari karna Sirf Sharmgaah me Halaal he ,Pichhe ke Raaste se ye Amal Shar'an Haraam he , is per Hadees Sharif me laanat vaaeid hui he ,

⚀ _ Hazrat Abu Huraira Raziyallahu Anhu kehte he'n k Rasulallah Sallallahu Alaihivasallam ne farmaya ,

*_ Jo Shakhs Apni Aurat Kï muq'ad ( Pakhana ka maqaam ) me bad fa'ali kare Wo maloun he ,"

ReF-┐Mishkaat Sharif, 2/276
 
  ╨─────────────────────❥

✿ ☞ Haiz v Nifaas Ke Dino me Hambistari ,,

╥────────────────────❥
║✿ …

⚀ _ Haiz v Nifaas ki haalat me Aurat se Sohbat karna Haraam he ,Bada Gunaah he ,isse bachna laazim he , zaroori he ,

⚀ _ Kyuki Hadees me is per Vaieyd waarid hui he ,Agar koi galti se esa kar Bethe to Tauba karna Waajib he ,

⚀ _ Aur Haalate Haiz me Sohbat karne Kï Vajah se Sadqa dene ka bhi Hukm aaya he ,is per bhi Amal kiya jaye ,k Tauba v istigfaar ke saath Sadqa Khairaat bhi kiya jaye ,

    ReF-┐Ba-hawala - Mishkaat, Ravaah Tirmizi ,Ibne maaja

*__( Iske alawa ) Ayyame Haiz me Aurat ke haath ka paka hua khana jaa'iz he ,Uske saath Uthna ,Bethna ,Letna bhi jaa'iz he
  ╨─────────────────────❥

✿ ☞ Miya Bivi Ko Ek Doosre Kï Sharmgah Dekhna,,,,,

╥────────────────────❥
║✿ …

⚀ _ Ulma ne Jima'a ke Adaab me se ye bhi likha he k Miya Bivi ek doosre Kï Sharmgah ko na dekhe ,

*_ReF-┐Ashraful Ahkaam

⚀ _ Baqi dekhna Shar'an Na-jaa'iz nahi balki Jaa'iz he ,bas Sharm v Haya ke taqaze ke khilaaf he ,

✿ ☞  Bivi Kï Sharmgah ka Bosa dena ,

⚀ _ Joshe Muhabbat me Bivi ke Jism ke mukhtalif hisso ka Bosa liya jata he ,Lekin Sharmgah ka Bosa Shar'an jaa'iz nahi , Ye Jaanwaro ka fa'al ( harkat ) he ,

⚀ _ Albatta haath lagane Kï gunzaish he ,lihaza Josh per qaabu rakhe aur is ( Na-jaa'iz Harkat ) se bache ,

*_  ReF-┐Aalamgiri ,5/372 v Ahsanul Fatawa
  ╨─────────────────────❥

✿ ☞ Mubaashrat ( Humbistari ) Se Pehle BosoKinaar ,

╥────────────────────❥
║✿ …

⚀ _ Jab Shohar Mubaashrat ka iraada kare to Mubaashrat Se Pehle Bivi ko manoos kare ,Boso kinaar ( Gale lagana v choomna ) jis tarah ho sake use bhi Mubaashrat ke liye Taiyaar kare ,iske bager Sohbat Shuru na kare ,

⚀ _ Neez Sohbat ke waqt iska bhi khayal rahe k Foran Aurat Se Juda na ho balki uske Shikam Ser hone ka Intezar kare Varna Aurat Kï Tabiyat per Bura Asar padta he ,Jisse Zindgi talkh ho jati he ,

⚀ _ Shohar apni Bivi se Dillagi ,Boso Kinaar ,Sohbat aur uske baad Gusle Janabat karta he ,Allah Ta'ala in Tamaam cheezo per bhi Ajro Sawab ATA farmate he'n,

⚀ _ Hazrat Ayesha Raziyallahu Anhuma ne ye Sunkar arz kiya ," Ya Rasulallah Sallallahu Alaihivasallam Aurto'n ko to bahut sa sawab mil gaya ,Mardo ke bare me bhi irshad farmaiye ,"

*_ Ye sun kar Huzoor Sallallahu Alaihivasallam muskuraye aur farmaya ,

" Mard Apni Aurat ka haath pakad kar Usko manoos karta he to uske liye ek Neki likhi jati he ,Jo Mard pyar Se apni Aurat ke gale me haath daalta he uske Haq me das ( 10 ) Nekiya'n likhi jati he ,Jab Aurat se Mubaashrat karta he to Duniya v Mafiha se behtar hoti he

*_aur beshak Allah Ta'ala is per fakhr karta he aur Farishto se kehta he k mere Bande Kï taraf dekho k esi sard Raat me gusle janabat ke liye uth ta he aur is baat per Yaqeen rakhta he k Mai'n uska Rab hu'n tum is baat per gawaah raho k mene usko bakhsh diya ,"

*_ReF-┐Fatawa Rahimiya ba- hawala Ganiyatul Talebeen ,93-94

  ╨─────────────────────❥

✿ ☞ Miya Bivi Kï Raaz Kï Baato Ka Batana Gunaahhe,

╥────────────────────❥
║✿ …

⚀ _ Rasulallah Sallallahu Alaihivasallam ne irshad farmaya k ,

*_"Qayamat Ke roz Allah Ta'ala Kï Kï Nazar me Wo Shakhs bura hoga Jo Apni Bivi se Humbistar ho aur uske Raaz logo per Zaahir kar de ,"

*_ ReF-┐Ravaah Muslim ,

⚀_  Yani Humbistari ke mutalliq Jo baate Miya Bivi Kï Aapas me hui unko logo ke saamne bayan kare ,ya is tarah Aurat ke makhsoos avsaaf bayan kare ,isi tarah  agar Aurat Mard Kï Baate doosri Aurto'n ke saamne bayan kare to uska bhi yahi Hukm he k Wo bhi Gunaah he ,

  ╨─────────────────────❥

✿ ☞ Humbistari Ke Baad Jald Gusl Karna ,

╥────────────────────❥
║✿ …

⚀ _ Jima'a se Faarig hokar istinja kar liya jaye aur Jism per lagi hui Najasat ( gandgi ) ko dho liya jaye ,

⚀ _ Agar dobara Sohbat karne ka iraada ho to Vazu karke Sohbat kare ,Varna Gusl kar le ,Bager Gusl kiye na soye ,

⚀ _ Agar uzr ho to Subeh tak Gusl me takheer ho sakti he ,Lekin Khayal rahe k Subeh Kï Namaz ( Namaze Fajar ) qaza na ho ,

⚀ _ is tarah Janabat Kï haalat me rehna k Subeh Kï Namaz qaza ho jaye Na-jaa'iz aur Gunaah he , Namaz se Pehle Gusl Se faarig ho kar waqt ke andar Namaz ka ahatmam hona chahiye,

*_ ReF-┐Ba-hawala---Gabiyatul Talebeen ,97-98 
  ╨─────────────────────❥

✿ ☞ Aurat ( Bivi ) Kï ijazat Ke bager Azl (Sharmgah se Bahar inzaal Karna ),

╥────────────────────❥
║✿ …

⚀ _ Aurat ( Bivi ) Kï Marzi ke bager koi Shakhs Jima'a ke baad Sharmgah se bahar inzaal ( Yani mani nikaalna ) nahi kar sakta ,

⚀ _ Hazrat Abu Saied Khudri Raziyallahu Anhu kehye he'n k Rasulallah Sallallahu Alaihivasallam se Aurto'n se Azl ke mutalliq Sawal kiya gaya to irshad farmaya k ,

*_ Har Paani ( Mani ) se Bachcha paida nahi hota ,aur Jab Allah Ta'ala Bachcha takhleeq farmane ka iraada kare to Koi taaqat usko rok nahi sakti ,( Yani Azl karne ka koi faayda nahi ),

* _ ReF-┐Ravaah Muslim ,Mishkaat 2/270

⚀ _ Chunki Jima'a Aurat ka Haq he ,inzaal bahar karne se uski haqtalfi hoti he ,isliye Azl karne ke liye usse ijazat Lena chahiye, Uski ijazat ke bager Azl karne ko Fuqha ne makrooh likha he , Lekin sabka is per ittefaq he k Ye Amal Haraam nahi he ,Maa'ne Hamal Dava ka istemal karne ka bhi yahi Hukm he ,

* _ ReF-┐Ba- Hawala Hashiya Mishkaat ,Baab Mubaashrat ,
 
  ╨─────────────────────❥

✿ ☞ Chaar Maah Ke baad Hamal Girana Qatl keHukm me he ,

⚀ _ Mojooda Daur me Ladkiyo'n ko zinda dargor ( Zameen me gadda Khod kar  dafan karna )  Karne ka Masla Rasm ke taur per to nahi ,Lekin isqaate Hamal ya koi esi soorat Akhtyar karna jisse Hamal qaraar na paye ,usko bhi Rasulallah Sallallahu Alaihivasallam ne " Vaad Khafi " farmaya he Yani Khufiya Tor per Bachche ko zinda dargor kar dena ,

✿ ☞ Isqaate Hamal Kï Shara'i Haisiyat :-

⚀ _ Qata'a Nasl :- Yani esi soorat Akhtyar karna Jiski Vajah se Daaymi TOR per Quvvate toleed ( Bachcha Paida Karne Ki taaqat ) khatm ho jaye ,ye soorat bila ittefaq Haraam he ,

⚀ _ Maa'ne Hamal :- Esi soorat Akhtyar karna k Quvvate Toleed baqi rehte hue Hamal qaraar na paye , bila uzr ye soorat Akhtyar karna Makrooh Tanzihi he aur darje zel soorat me bila karahat jaa'iz he :-

*_ 1- Aurat itni kamzor he k Hamal bardasht nahi kar sakti ,

*_ 2- Aurat apne watan Se door kisi ese maqaam per he Jaha'n uska mustaqil qayam ka iraada nahi aur safar kisi ese zariye Se he k usme Mahino lag jate ho ,

*_3- Miya Bivi ke aapsi talluqaat achchhe na hone Kï vajah se alag hone ka qasd (andesha )ho ,

*_4- Pehle Se mojood Bachche Kï Sahat kharab hone ka Shadeed khatra ho ,

*_ 5- Ye khatra ho k fasaade zamaan Kï Vajah se Bachcha bad Akhlaq aur Walden Kï Ruswayi ka sabab hoga ,

⚀ _ Agar koi ese Farz ke tahat Hamal roke Jo islami usoolo ke khilaf he to uska Amal bilkul Na-jaa'iz hoga ,Maslan Kasrate Aulaad se tangi e rizq ka Khayal ho Ya ye waham ho k Bachchi Paida hogi to aar hogi ,

⚀ _ Hamal Thehar Jane ke baad Chaar maah poore hone se pehle kisi zariye se usko saaqit karna ,Ye soorat bila uzr Na-jaa'iz aur Haraam he ,Albatta baaz uzr Kï Vajah se iski gunzaish he ,maslan :-

*_ 1- Hamal Kï Vajah se Aurat ka Doodh khushk ho gaya aur Doosre tareeqo  se pehle Bachche Kï parvarish ka Intezam na- mukammal ho ,

*_ 2- Koi Deendar Maahir  tabeeb  (  Doctor )  Aurat ka muaayna karke ye keh de k agar Hamal baqi raha to Aurat Kï jaan ya koi Uzv zaay hone ka shadeed khatra he ,
 
⚀ _ Chaar Maah guzarne ke baad Hamal giraana ye Soorat mutlaqan Haraam he ,Kisi bhi uzr Se iski gunzaish nahi he ,

  ReF-┐          ✿ izdewaji Zindgi ke Shara'i Masail,

☞ In Masle ko Achchhi Tarah Samajhne ke Liye Apne Qareebi Ulma Kiraam se raabta kijiye.
                   
       ┄─━━━━□□□━━━━─┄

           ╟❥ __Alhamdulillah__"""
           
                   ★ Talibe Dua ★
       SUNNI ÏSLÅMÍÇ KNOWLEDGE
               ☏ +91 7405457791

     ┌╦═══════────────┐      
             →ρLѕ  ƒoʀwαʀd to others
      └╩═══════────────┘