◆Madina Munawwara◆
Nooriyo'n Ke Jalwo Main Noori Sawaari Par Noore Khuda Sawaar Hokar Chale To Duno'n Jahaan Hi Noor Ke Saa(n)che Main Dhal Gaye.
Asnaaye Raah Aapka Guzar Ek Aisi Sar-Zameen Par Huwa Jaha Sar-Sabz -o-ShaaDaab Nakhlistaano'n Main Sar-o-Qaa'mat Khajoor Ke Darakht Nihayat Shaane Dil-Rubaayi Se LehLaha Rahe The.
Hazrat Jibra'eel Alaihissalam Ne Us Maqaam Par Arz Kiya : Ya Rasool'Allah ﷺ
Yaha Du(2) Rak'at Namaaz Ada Farma Lijiye.
Ye Wo Maqaam , Rashke Jannat He , Jaha Aap Hijrat Karke Tashreef Laayege ,
Chunanche TaajDaare Madina ﷺ
Ne Waha Du(2) Rak'at Namaaz Ada Ki Phir Safar Ke Liye Aage Rawana Huwe.
◆Qabre Hazrat Musaa Alaihissalam◆
Phir Huzoor Aqdas ﷺ Isi Safare Meraaj Shareef Main Hazrat Musaa Alaihissalam Ki Qabre Mubarak Se Guzre, Jiske Mutalliq Aapak Irshaade Giraami He.... :
رايت موسى يصلى فى قبره .
[ Ham Ne Dekha Musaa Alaihissalam Apni Qabr Main Namaaz Padh Rahe Hain]
(📙 Hujjatullahi Alal-Aalameen ,S:369)
Dosto ! Is Farmaane Mustafa ﷺ Se Ma'aloom Huwa Ke Aap Qabr Ke Qareeb Se Guzarte Waqt Uske Tamaam Haa'Laat Ka Mushahida Kar Sakte Hain ,
To Yaqini Amar He Ke Aap Qabr Ke Andar Jalwa Farma Hokar Ummatiyo'n Ke Tamaam Haa'Laat Se Baa-Khabar Hain....
● FARYAAD UMMATI JO KARE HAAL ZAAR PE ,
MUMKIN NAHI KE KHAIRE BASHAR KO KHABAR NA HO ●
(Kalame Aalahazrat RadiyAllahu Ta'aala Anhu)
Chunanche Shaikh Muhaqqiq Abdul Haq Muhaddis Dehelwi Rahmathullahi Alaih Farmate Hain Ke....
Ambiyaa-E- Kiraam Alaihimussalam Zinda Hote Hain Aur Apne Rab Ta'Aala Ki Ibaa'dat Karte Hain , Jaisa Ke Ahle Jannat , Jannat Main Bila-Takalluf Ibaa'dat Karte Rehte Hain.
(📙 Madarijun Nabuwah , J-2, S-195)
Isi Liye Sarkaar Aalahazrat RadiyAllahu Ta'aala Anhu , TaajDaare Madina Sarware Sina ﷺ
Ke Huzoor Arz Karte Hain....
● TO ZINDA HE WALLAH TO ZINDA HE WALLAH ! ......
MERE CHASHME AALAM SE CHUP JAANE WALE ●
Rasool'Allah ﷺ Ne Farmaya Jab Ham Bait-ul-Muqaddas Pohche To Jibra'eel Alaihissalam Ne Apni Ungli Ka Ishara Kiya To Patthar Main Suraakh Hogaya Aur Uske Saath Barraaq Baandh Diya.
(📙 Na'eemi Khutbaat ,J-1,S-286 to 287)